तुम्ही जा खुशाल शौचास पांढऱ्याशुभ्र संगमरवरासारख्या
Blogadda Who are you reading today?
Saturday 29 September 2018
अनास्थेचे गोंदण
तुम्ही जा खुशाल शौचास पांढऱ्याशुभ्र संगमरवरासारख्या
संबंध
Friday 21 September 2018
पाऊस
पाऊस |
२१/९/१८
Thursday 20 September 2018
प्रेमाचा हिशोब
प्रेमाचा हिशोब तू ठेव
मी फक्त प्रेम करणार आहे
आपण कितीदा भेटलो, कुठे
भेटलो, कधी भेटलो
याची तुझ्या डायरीत नीट नोंद
करून ठेव
मी फक्त दरवेळी तुला कडकडून
भेटणार आहे
आपण कितीदा भांडलो, रूसलो,
फुगलो परत एकत्र आलो
याची उजळणी तू माझ्यासमोर
शंभरदा कर
मी फक्त प्रेमाच्या प्रोसेसची गंमत
अनुभवणार आहे
हजारदा फोन करून काय
जेवलास, कधी उठलास, काय
करतोय आत्ता अशा निरर्थक
गप्पा तू खुशाल कर
मी फक्त तुझा गोड आवाज ऐकत
राहणार आहे
आपल्याला भेटताना कोणी
ओळखीच बघेल का, घरी कोणी
आपल्याबद्दल सांगेल का
याची काळजी तू जरूर कर पण
तशीच वेळ आल्यास मी
बिनधास्त आपल्या प्रेमाची
कबूली देणार आहे
मी आज कशी दिसते, मी काल
कशी दिसत होती, माझ वजन
वाढलय का अशा प्रश्नांनी माझ
डोक तू जाम पिकव
मी मात्र तुझ नखशिखान्त सौंदर्य
न्याहाळणार आहे
प्रेमाचा हिशोब तू ठेव
मी फक्त प्रेम करणार आहे
- © सिद्धार्थ कुलकर्णी
२०/९/१८
स्पार्टाकसचे बंड
हृद्यात आमच्या पेटला अंगार आहे
आज काही वेगळाच आमचा अवतार आहे
चाबकाने केले आम्हांवर वार युगानयुगे ज्यांनी
त्यांच्यावर आज आमचा पलटवार होणार आहे
जनावरासारखे बाजारात विकले आम्हाला ज्यांनी
त्यांचा हिशोब आज चुकता होणार आहे
ग्लॉडिअॉटर बनून आप आपसात झुंजलो आम्ही
आज आमच्या एकजुटीने तुमचा खात्मा होणार आहे
ज्यांच्या बळावर उभारले साम्राज्य तुम्ही
त्यांच्या हातूनच ते आज धुळीस मिळणार आहे
स्पार्टाकसने चेतवले जे स्फुल्लिंग आमच्यात
त्याच्या वन्हीत तुमची राख आज होणार आहे
गुलामीच्या शृंखला तोडून आज
मानव कायमचा मुक्त होणार आहे
© सिद्धार्थ कुलकर्णी
२०/९/१८
Monday 17 September 2018
पंखा भिरभिरता
एकदा पडलो होतो उताणा बघत पंखा भिरभिरता
जणू परमेश्वर नियंत्रित करणारा कालचक्राला असा
मग थांबवले गंमत म्हणून मी कालचक्र स्विच आॉफ करून
नंतर केले सुरू स्वतःच्या जादुई ताकदीवर ते पुन्हा
बंद सुरू,बंद सुरू,सुरू बंद,सुरू बंद.......
नंतर आला एक शंकेखोर भुंगा तो पोखरू लागला माझे मेंदूफूल शोषण्यास ज्ञानरस
शोधू लागलो मी जादुई शक्तीचे मूळ आणि मला पाहत होती
सॉकेटची तीन कृष्णविवरे जणू त्रिदेव कि त्रिनेत्र शिवाचे
वायरीतून येते ती जादुई शक्ती की ट्रान्सफॉरमर मधून कि
पॉवरस्टेशनमधून कि विद्युतजनित्रातून कि.....
एकामागोमाग एक प्रश्न असा शिरलो मी प्रश्नांच्या निबिड अरण्यात खोलवर अन्
निरूत्तरतेच्या रखरखीत वाळवंटात वाट चुकून स्वतःच्या
अक्षमतेच्या डोळे दिपवून टाकणाऱ्या प्रखर प्रकाशाने भोवंडून
परत झोपलो गपगार अज्ञानाच्या कुशीत शिरून सुरू करून पुन्हा पंखा भिरभिरता
- © सिद्धार्थ कुलकर्णी
११/९/१८