प्रेमाचा हिशोब तू ठेव
मी फक्त प्रेम करणार आहे
आपण कितीदा भेटलो, कुठे
भेटलो, कधी भेटलो
याची तुझ्या डायरीत नीट नोंद
करून ठेव
मी फक्त दरवेळी तुला कडकडून
भेटणार आहे
आपण कितीदा भांडलो, रूसलो,
फुगलो परत एकत्र आलो
याची उजळणी तू माझ्यासमोर
शंभरदा कर
मी फक्त प्रेमाच्या प्रोसेसची गंमत
अनुभवणार आहे
हजारदा फोन करून काय
जेवलास, कधी उठलास, काय
करतोय आत्ता अशा निरर्थक
गप्पा तू खुशाल कर
मी फक्त तुझा गोड आवाज ऐकत
राहणार आहे
आपल्याला भेटताना कोणी
ओळखीच बघेल का, घरी कोणी
आपल्याबद्दल सांगेल का
याची काळजी तू जरूर कर पण
तशीच वेळ आल्यास मी
बिनधास्त आपल्या प्रेमाची
कबूली देणार आहे
मी आज कशी दिसते, मी काल
कशी दिसत होती, माझ वजन
वाढलय का अशा प्रश्नांनी माझ
डोक तू जाम पिकव
मी मात्र तुझ नखशिखान्त सौंदर्य
न्याहाळणार आहे
प्रेमाचा हिशोब तू ठेव
मी फक्त प्रेम करणार आहे
- © सिद्धार्थ कुलकर्णी
२०/९/१८
No comments:
Post a Comment