स्पार्टाकसचे बंड

हृद्यात आमच्या पेटला अंगार आहे

आज काही वेगळाच आमचा अवतार आहे

चाबकाने केले आम्हांवर वार युगानयुगे ज्यांनी

त्यांच्यावर आज आमचा पलटवार होणार आहे

जनावरासारखे बाजारात विकले आम्हाला ज्यांनी

त्यांचा हिशोब आज चुकता होणार आहे

ग्लॉडिअॉटर बनून आप आपसात झुंजलो आम्ही

आज आमच्या एकजुटीने तुमचा खात्मा होणार आहे

ज्यांच्या बळावर उभारले साम्राज्य तुम्ही

त्यांच्या हातूनच ते आज धुळीस मिळणार आहे

स्पार्टाकसने चेतवले जे स्फुल्लिंग आमच्यात

त्याच्या वन्हीत तुमची राख आज होणार आहे

गुलामीच्या शृंखला तोडून आज

मानव कायमचा मुक्त होणार आहे

                           © सिद्धार्थ कुलकर्णी
                                  २०/९/१८